無題

今晚突然問又諗起出年一月要交稅啦, 諗起阿唐唐問我地錢從何來? 我都想問下佢, 我錢從何來.
政府用一千二百六十萬, 買三十六架車, 每架三十五萬, 記住, 政府車係唔駛首次登記稅. 首先, 真係唔明點解要換車, 而家用緊d 寶馬七系, 只係八年車, 政府話行左二十萬公里, 其實應該仲有排行, 尤其而家買新車係用公帑. 好啦, 當佢真係唔行得, 要換, 咁點解d 車會一年行二萬五千公里咁多呢? 每個月二千公里, 每日即係要行六十六公里, 即係每日都要係西環我屋企渣架車來回去屯門我阿媽屋企咁遠. 據政府講法, d 車都係用黎接下d 高官返工放工開下會. 我試下叫你係港島區每日同我渣六十六公里, 我諗你都幾心煩.
好啦, 我又當你每日真係要行六十六公里, 咁點解要換架咁貴o既車先? 點解唔可以坐日本中型房車, 係要坐歐洲車先? 仲有, 阿小曾子成日講o既藍天行動, 點解唔買架Hybrid 車先? 而家買o個款車, 行2.8 一公里, hybrid 車頂龍都係0.8, 每公里慳2蚊, 廿萬公野慳四十萬蚊.
就咁用一個咁簡單政府洗錢的方式, 你點叫我交稅交得心服口服, 而家仲話要收GST, 你真係當香港人on 9 咩!!

MPF & 樓

我諗我算係一個成日都會關心我d MPF 既人. 一個星期起碼會睇兩次, 睇下究竟d MPF 有冇升, 或者升多少, 又或者跌左幾多.
上星期終於download 左份轉換資產分佈既表, 因為總覺得個市累積升覆都已經唔少, 開始都要認真考慮一下新的投資分佈.
因為入得一間好公司, 公司幫我都供幾多MPF, 我又供唔少, 所以係要認真d 對待自己d 錢, 始終都好希望可以係五十歲退休.
而家家供緊層樓, 其實好希望可以係三十五歲之前供完, 咁就可以輕鬆好多, 到時就算俾公司炒左, 都唔駛咁擔心. 不過, 總係覺得到時又會心思思想換層大d 既樓, 跟住就從頭再供.....唉, 一個唔好彩, 樓市大跌, 跟住就負資產......