咭片

係Lehman 都做左兩年半, 今日終於有我係Lehman 既第一張咭片.
過去一直覺得冇需要, 所以一路都唔要, 唔整, 但係最近因為要take up 好多project, 所以終於都要印返d 咭片, 去應付需要.
一路以黎, 我對於咭片興趣都不大, 因為怕人搵我麻煩, 所以一路都避免印咭片, 但係, 最尾都係避唔到啦.
係呢間公司都做左兩年半, 好多同期入黎o既同事都係半年前升左AVP, 自己仲未有title, 當然有少少失落, 望到自己張咭片....., 有, 都冇用, 俾人就係話俾你知你係呢間公司撈左咁耐, title 都未有一個.

Margaux & Lafite

Margaux 係法國一個地方, Ch. Margaux 係Bordeaux top 5 其中一種酒. Ch. Lafite, 應該更加出名, 好多人都應該知係另一支top 5 Bordeaux 酒.
最近係屋企養左兩隻貓, 男仔的叫Margaux, 女的叫Lafite. 其實Margaux 應該係比較屬於女性化的一種酒款, 唔係咁應該用係一隻男仔貓身上, 可能用Mouton (法文: 羊) 去俾Margaux 好d. 至於Lafite, 用係一隻女貓仔身上, 真係幾接近款酒既特色.
有左Margaux & Lafite, 平時返到屋企無事事既我, 而家立刻多左好多野做, 洗地, vacuum floor, 等等, 成晚可以忙過不停.
之前因為搬新屋所以放棄左row row, 而家係新屋又養返Margaux 同Lafite, 多多少少都有d 覺得對row row 唔住. 又因為呢樣, 感覺自己已經比當年更成熟, 對小動物既包容比幾年前多好多好多. 就好似頂級紅酒, 越耐越正, 可以發展出更多味道同複雜性......

無題

耐冇再過Blog, 不過其都冇乜所謂, 應該都冇人睇.
最近對紅酒真係完全著迷, 洗左好多錢去買酒. 買既酒多數都係用黎儲, 唔係用黎飲, 至少唔會係呢十年八年會飲.
可能好多人會唔明白點解人會為紅酒洗咁多錢. 最初, 我都唔明白, 但係, 當你一接觸, 我意思係認真的接觸, 你一定會為佢著迷. 著迷既地方除左係佢既味道之外, 其實, 對我黎講, 最緊要係, 當你飲一支好多年前既酒, 你就好似回到過去, 追返你之前既回憶, 時間.
佢就好似一個時間capsule, 可以幫你留住時間, 或者留唔到時間, 最少亦可以使你可以再一次重溫一次, 當年的往事.
作為紅酒新丁的我, 仲有好多好多要學, 好多好多酒要飲, 紅酒世界真係充滿醉人魔力, 好難抗拒.