古惑仔online

話說半年前, 有次和幾個朋友去西貢食海鮮, 因為是駕車去, 所以要係街邊搵車位
朋友黃生佢係度等位, 附近就係西貢既海鮮飯店, 亦唔少得大量"泊車仔"
到而家我都唔知因為乜原因, 有一位泊車仔先生, 走近朋友黃生, 話佢阻住佢搵食, 跟住就一連串!#%$%^#$
跟住我就走埋去, 正想同佢嘈之際, 就俾另外兩個朋友帶走
當時我仲未玩古惑仔online, 如果早d 玩, 可能會早d 體會
古惑仔online中, 最低級既古惑仔, 佢所以可做既任務, 就只有代客泊車
當呢個古惑仔升級之後, 佢就可以做其他任務, 例如, 賣翻版DVD, 代財務公司收數等等其他"大茶飯"
一諗到呢度, 就忽然醒覺...

前幾個月, 又有一次類之既情況發生, 不過今次就係深井裕記個停車場
當時又有一個泊車仔, 正因為我朋友既停車位置, 係度!@#%#$^@#$我朋友, 好在我呢位朋友關上車窗, 如果唔係俾佢聽到, 我諗呢個泊車仔小則受輕傷, 又或者重傷, 甚至危殆
我企左係一旁, 只係感覺到同呢d 最低層人嘈都無謂
唔知點解好似所有最低級既古惑仔都只係會撩事鬥非, 我諗, 佢地想轉去賣翻版DVD呢條路都真係好長...

鞋

有邊個人會一款鞋, 買兩對?
尋晚係東滙城Novotel 食完自助餐後, 想睇下係經濟低迷下, 究竟零售商品會唔會平左.
經過Rockport, 鞋款是一向的"七", 減價亦和平時差不多.
講開Rockport 鞋, 其實我都有一對, 咁七既鞋我都日日著, 因為其實好舒服, 雖然曾經俾人形容對鞋係大怪獸.
行完Rockport, 就走左去Mirabell, 去到Salem果part.
第一次買Salem鞋應該係零六年新年, 當時大約以一千蚊左右買既.
買左之後, 好中意, 日著夜著, 經過兩年時間既折磨後, 人人都同我講我係時候應該換鞋.
冇換, 係因為試過不下十多廿次去唔同既鞋鋪, 想搵返同款/或最起碼相似的, 但從來都搵唔到
隔左幾個月, 自己都頂唔住, 就求其買左對, 相近款式
有一刻曾後悔當初點解咁中意對鞋, 點解唔買兩對, 但冇偈, 已經冇得賣
從來都唔覺得買鞋係一件煩腦既事, 但經此一役, 發覺原來自己咁固執
尋晚終於再次見到同一款鞋, 原價1280, 而家做50% off, 只需640, 買兩對仲有多10% off
猶豫兩分鐘, 同sales 講: 唔該要多一對同款同size
買左之後, 而家有d 擔心, 擔心遲少少公司如果炒人而我又搵唔到工做, 呢兩對鞋就唔知點算好.

東涌

從來也沒想過會搬到東涌.
自小對東涌的記憶, 就只有十多二十, 或二十多年前, 一家人在屯門青年灣, 乘船到東涌一日遊. 那時的東涌, 就是一個完全郊外的地方, 沒車到, 沒餐廳, 就只有一兩家士多, 就像二十年前的烏溪沙.
現在, 我就坐在五十多層樓高, 涼著冷氣, 寫Blog, 相信亦是望著同一個山景.
世事難料, 誰會知五年, 十年, 或某段時間後, 會發生甚麼事呢?....

Basil 發芽第N天

有一陣子沒update 過Basil 的種植情況. 發芽到現在三星期有多, 進展非常好, 葉子亦已經充滿濃郁的香味.

小休一天

很久沒放假在家休息了, 雖然沒甚麼做, 但也不是十心好過.
Blackberry 真是一個最爛的發明, 當你在工作中, 它真的帶給你方便, 可以任可時候都回覆電郵. 可是, 當你在放假的時間, 當收到電郵那紅燈在閃, 心也隨它在跳, 不知是不是又有甚麼發生了. 那種無型的壓力真大, 真慘. 還是不要說了, 免不了不高興.
還是Margaux 和Lafite 好, 看見他們睡覺, 就知道他們多幸福:

無題

差不多一整個月沒有寫過, 為免給人說是三分鐘熱度, 還是寫一寫比較好.
去年沒有去過游水, 前天突然很想去, 就和朋友去了深水灣. 選深水灣的原因無他, 就是因為比較少人, 泊車會容易一點. 有一點不太明白, 為什麼大熱天時, 在沙灘旁的燒烤爐, 為什麼會有那麼多人燒烤呢? 和友人在沙灘玩了三小時, 已開始感到體力不支, 真服了那些在三十四度高溫下, 還在燒烤的人.